2026-yil 26-iyun kuni Arnasoy tuman Axborot-kutubxona markaziga Guncha maktabgacha ta’lim tashkiloti tarbiyalanuvchilari uchun qiziqarli sayohat tashkil etildi.
Sayohat davomida kutubxona xodimlari bolajonlarni kutubxona faoliyati, kitob javonlari va bolalar uchun mo‘ljallangan adabiyotlar bilan tanishtirdilar. Kichkintoylar ertak va bolalar kitoblarini katta qiziqish bilan tomosha qilib, sevimli qahramonlari haqida suhbatlashdilar.
Shuningdek, ularga qiziqarli ertaklar o‘qib eshittirildi, kitobning inson hayotidagi o‘rni va mutolaaning foydasi haqida sodda va tushunarli tarzda ma’lumot berildi. Bolalar kutubxona bo‘ylab sayohat qilib, kitoblarga mehr va mutolaa madaniyatiga bo‘lgan qiziqishlarini yanada oshirdilar.
Bunday ma’rifiy sayohatlar yosh avlodning kitobxonlikka bo‘lgan qiziqishini kuchaytirish, ularni bilim olishga undash hamda bo‘sh vaqtini mazmunli tashkil etishda muhim ahamiyat kasb etadi.
